出飛

朋友叫我幫佢睇睇張機票幾錢，我呢D對朋友咁好嘅人當然義不容辭啦。條機票嘅價格好平，個人覺得非常抵，利潤空間亦都非常之大。通常來講我私人幫朋友出嘅飛通常我自己都唔賺錢嘅，底價比人，但因爲係喺公司摞嘅票，爲咗部門嘅quota，我都係咁二加咗少少利潤，真係係咁二，象徵性咁多。點知佢第二晚喺msn問我D票係咪問航空公司摞架（梗係問航空公司摞，唔通我做一張出來比你咩）？如果佢自己問航空公司會唔會平D架？搞到我完全唔知點答佢！我明白你作爲消費者有格價嘅權利，但你咁樣問我，你有冇諗過我會點諗呢？你都唔會喺廣之旅問人哋南湖會唔會平D啦？人哋肯定會覺得你白撞！你咁想知咪自己去查咯！你問我摞飛都係諗住我係熟人唔會點你啫，既然咁“當面”地信唔過我，當初何苦問我價？難爲我仲放弃咗千幾蚊利潤來比條票來。仲有啊，同佢講咗呢條係特價飛，月底要出飛，催咗佢兩次，而加連喺邊度出發都未定得到。我機票部D同事做嘢都要時間架，你估公園賣票篾張出來就得啊？？而且D咁嘅特價飛通常機位都唔多架啦，到時真係要嘅時候錯過咗冇曬機位又要來求我。到時大家難做，一場朋友，仲要咁熟，何苦呢？不如快快趣話我比我知要定唔要好過啦。雖然部門要追quota，但遇到D咁嘅客，真係唔做好過做，費事第日大家面阻阻仲要有陰影。